കോതമംഗലം: എ.പി.ജെ. അബ്ദുൾകലാം സാങ്കേതിക സർവകലാശാല 2023-24 വർഷത്തെ എൻഎസ്എസ് അവാർഡുകൾ വിതരണം ചെയ്തു. നെല്ലിമറ്റം എംബിറ്റ്സ് എൻജിനീയറിംഗ് കോളജിൽ നടന്ന ചടങ്ങ് സർവകലാശാല വൈസ് ചാൻസലർ ഡോ. കെ. ശിവപ്രസാദ് ഉദ്ഘാടനം ചെയ്തു. മാനവികത വികസനത്തിന് എങ്ങനെ ഉപയോഗിക്കാം എന്നതിന്റെ ഉദാഹരണമാണ് എൻഎസ്എസ് എന്ന് ഡോ. കെ. ശിവപ്രസാദ് അഭിപ്രായപ്പെട്ടു. സർവകലാശാല എൻഎസ്എസ് സെൽ പ്രോഗ്രാം കോ-ഓർഡിനേറ്റർ ഡോ. എം. അരുൺ അധ്യക്ഷത വഹിച്ചു.
ചടങ്ങിൽ 2022-23 വർഷത്തെ എൻഎസ്എസ് മൈഭാരത് അവാർഡ് നേടിയ എം.ഇ.എസ്. എൻജിനീയിംഗ് കോളജ് പ്രോഗ്രാം ഓഫീസർ ഡോ. പി.യു. സുനീഷ്, പ്രിൻസിപ്പൽ ഡോ. ഐ. റഹ്മത്തുനിസ, റിപ്പബ്ലിക് പരേഡിൽ പങ്കെടുത്ത എൻഎസ്എസ് വോളണ്ടിയർമാരായ അപർണ പ്രസാദ്, എസ്. ശ്രീലക്ഷ്മി, കണ്ടിൻജന്റ് ലീഡറായിരുന്ന ദർശന എസ്. ബാബു എന്നിവരെ ആദരിച്ചു.
എൻഎസ്എസ് കേരള ലക്ഷദ്വീപ് റീജണൽ ഡയറക്ടർ വൈ.എം. ഉപ്പിൻ മുഖ്യാതിഥി ആയിരുന്നു. സംസ്ഥാന എൻഎസ്എസ് ഓഫീസർ ഡോ. ഡി. ദേവിപ്രിയ, കോളജ് ചെയർമാൻ മാത്യു കുന്നശേരി, സെക്രട്ടറി ബിനോയ് തോമസ് മണ്ണഞ്ചേരി, ട്രഷറർ ബിനു കെ. വർഗീസ്,കോളജ് പ്രിൻസിപ്പൽ ഡോ. തോമസ് ജോർജ്, പ്രോഗ്രാം ഓഫീസർ ഷിജു രാമചന്ദ്രൻ, എറണാകുളം റീജണൽ കോ-ഓർഡിനേറ്റർ ഡോ. എം. അരുൺകുമാർ, എൻ.എസ്. എസ് ട്രെയിനർ ബ്രഹ്മനായകം മഹാദേവൻ എന്നിവർ പ്രസംഗിച്ചു .
